Karlo Malinkoniko Kastriot Skënderbeu, president në degën e Këshillit të Shtetit dhe profesor i të Drejtave të Bashkimit Europian në Fakultetin e Jurisprudencës të Universitetit të Romës, ka lindur në Romë më 31 maj të vitit 1950. Pas studimeve të mesme, ai vazhdoi Universitetin në Milano ku u diplomua në vitin 1972 në jurisprudencë. Që në moshë të re, ai ka mbajtur detyrën e Avokatit të Shtetit dhe më pas të Këshilltarit të Shtetit në vitet 1985-2002 për t’iu dedikuar më vonë aktiviteteve akademike. Prej një kohe të gjatë, ai ka qenë drejtues i shumë institucioneve. Profesor Malinkoniko ka mbajtur detyra prestigjioze dhe për t’u theksuar është pozicioni si shef i Zyrës Legjislative në Ministrinë e Prezencës të Shtetit dhe në Ministrinë e Thesarit gjatë viteve 1995-1996, shef i Departamentit të Çështjeve Juridike dhe Legjislative të Presidencës së Këshillit të Ministrave (1996-01). Në të gjitha institucionet që ka drejtuar ka dhënë një kontribut të veçantë në raport me Komunitetin Europian dhe në fushën e Të Drejtës Publike të Ekonomisë. Përsa i përket aspektit të parë, ai ka kryer detyrën e Koordinatorit të Strukturës të Misionit të Presidencës të Këshillit të Ministrave për procedura të veçanta të diskutueshme me institucionet europiane (2001-2002). Përsa i përket aspektit të dytë, profesor Malinkonikos i është dhënë një kompetencë e veçantë në të drejtën publike të ekonomisë deri në momentin që rregullorja italiane u pasurua me rregulla më të përqendruara ndaj tregut: ka qenë pjesëtar i Komisionit të analizave e problemeve të pandara të privatizimit të entit të drejtimit të shoqërive të sistemit të pjesëmarrjeve shtetërore (1990) dhe më pas këshilltar juridik i autoriteteve organizuese të konkurrencës dhe tregut(1992-1997). Malinkoniko ka qenë drejtor i Përgjithshmëm për Energjinë Elektrike dhe Gazin(2001-2002). Përveç detyrave mjaft të rëndësishme që ka kryer për vite me radhë, Malinkoniko është autor i botimeve të ndryshme të së drejtës administrative. Ndër botimet e tij mund të përmenden: “Manuali i të drejtës administrative”, Milano, 2006. “Kodi i marrëveshjeve publike dhe private”, Milano 2006. “Formulari i diskutimeve administrative”, Milano, 2005(bashkautor dhe koordinator), “Principet e Traktatit të Politikës Monetare”, më 2005-n. “Shërbimi Universal i Transporteve”, “Universiteti i Studimeve të Salernos 2002”. Bashkautor i Komentit të rregullores së zbatimit të ligjit mbi punët publike, Milano, 2001. “Njerëzit dhe tregu, udhëzime (bashkautor) Padova, 1996, por edhe shumë botime të tjera.
Komento